Auglýsing um úthlutun aflaheimilda til áframeldis á þorski á fiskveiðiárinu 2010/2011.

Sjávarútvegs- og landbúnaðarráðherra auglýsir eftir umsóknum um úthlutun aflaheimilda til áframeldis á þorski, sbr. reglugerð nr. 736/2009, um úthlutun aflaheimilda í þorski vegna tilrauna við föngun fisks til áframeldis og framkvæmd þess.

Umsóknarfrestur er til miðvikudagsins 31. mars 2010.

Umsóknum skal skila til sjávarútvegs- og landbúnaðarráðuneytisins, Skúlagötu 4, 150 Reykjavík og einnig skal senda umsóknir með rafrænum hætti á netfangið postur@slr.stjr.is.

Umsóknir skulu merktar sem “Þorskeldiskvóti”.

Sjávarútvegs- og landbúnaðarráðuneytinu, 17. mars 2010.